Itivuttaka Home Page    Table of Contents     First Sutta     Translation

Ekakanipāto     Dukanipāto    Tikanipāto    Catukkanipāto

Sutta Index (serial order)     Sutta Index (alphabetical order)

First Line Index    Index of the Metres

Word Index (by sutta number)     Word Index (by BJT page number)

1. 1. 1. Lobhasuttaṃ (1)

1. 1. 2. Dosasuttaṃ (2)

1. 1. 3. Mohasuttaṃ (3)

1. 1. 4. Kodhasuttaṃ (4)

1. 1. 5. Makkhasuttaṃ (5)

1. 1. 6. Mānasuttaṃ (6)

1. 1. 7. Sabbapariññāsuttaṃ (7)

1. 1. 8. Mānapariññāsuttaṃ (8)

1. 1. 9. Lobhapariññāsuttaṃ (9)

1. 1. 10 Dosapariññāsuttaṃ (10)

1. 2. 1. Mohapariññāsuttaṃ (11)

1. 2. 2. Kodhapariññāsuttaṃ (12)

1. 2. 3. Makkhapariññāsuttaṃ (13)

1. 1. 4. Avijjanīvaraṇasuttaṃ (14)

1. 2. 5. Taṇhāsaṃyojanasuttaṃ (15)

1. 2. 6. Paṭhamasekhasuttaṃ (16)

1. 2. 7. Dutiyasekhasuttaṃ (17)

1. 2. 8. Saṅghabhedasuttaṃ (18)

1. 2. 9. Saṅghasāmaggisuttaṃ (19)

1. 2. 10. Paduṭṭhapuggalasuttaṃ (20)

1. 3. 1. Pasannacittasuttaṃ (21)

1. 3. 2. Māpuññabhāyīsuttaṃ (22)

1. 3. 3. Ubho-atthasuttaṃ (23)

1. 3. 4. Aṭṭhipuñjasuttaṃ (24)

1. 3. 5. Sampajānamusāvādasuttaṃ (25)

1. 3. 6. Dānasaṃvibhāgasuttaṃ (26)

1. 3. 7. Mettācetovimuttisuttaṃ (27)

1. 1. 1. Lobhasuttaṃ (1)

“Ekadhammaṃ ² bhikkhave pajahatha ahaṃ vo pāṭibhogo anāgāmitāya. Katamaṃ ekadhammaṃ? Lobhaṃ bhikkhave ekadhammaṃ pajahatha ahaṃ vo pāṭibhogo anāgāmitāyā”-ti.

1. 1. 2. Dosasuttaṃ (2)

“Ekadhammaṃ bhikkhave pajahatha ahaṃ vo pāṭibhogo anāgāmitāya. Katamaṃ ekadhammaṃ? Dosaṃ bhikkhave ekadhammaṃ pajahatha ahaṃ [PTS Page 002] [\q 2/] vo pāṭibhogoanāgāmitāyā”-ti.

[BJT Page 320] [\x 320/]

1. 1. 3. Mohasuttaṃ (3)

“Ekadhammaṃ bhikkhave pajahatha ahaṃ vo pāṭibhogo anāgāmitāya. Katamaṃ ekadhammaṃ? Mohaṃ bhikkhave ekadhammaṃ pajahatha ahaṃ vo pāṭibhogo anāgāmitāyā”-ti.

1. 1. 4. Kodhasuttaṃ (4)

“Ekadhammaṃ bhikkhave pajahatha ahaṃ vo pāṭibhogo anāgāmitāya. Katamaṃ ekadhammaṃ? Kodhaṃ bhikkhave ekadhammaṃ pajahatha ahaṃ vo pāṭibhogo anāgāmitāyā”-ti.

[PTS Page 003] [\q 3/]

1. 1. 5. Makkhasuttaṃ (5)

“Ekadhammaṃ bhikkhave pajahatha ahaṃ vo pāṭibhogo anāgāmitāya. Katamaṃ ekadhammaṃ? Makkhaṃ bhikkhave ekadhammaṃ pajahatha ahaṃ vo pāṭibhogo anāgāmitāyā”-ti.

[BJT Page 322] [\x 322/]

1. 1. 6. Mānasuttaṃ ⁶ (6)

“Ekadhammaṃ bhikkhave pajahatha ahaṃ vo pāṭibhogo anāgāmitāya. Katamaṃ ekadhammaṃ? Mānaṃ bhikkhave ekadhammaṃ pajahatha ahaṃ vo pāṭibhogo anāgāmitāyā”-ti.

1. 1. 7. Sabbapariññāsuttaṃ (7)

“Sabbaṃ bhikkhave anabhijānaṃ aparijānaṃ tattha cittaṃ avirājayaṃ appajahaṃ abhabbo dukkhakkhayāya. Sabbañ-ca kho bhikkhave abhijānaṃ parijānaṃ [PTS Page 004] [\q 4/] tattha cittaṃ virājayaṃ pajahaṃ bhabbo dukkhakkhayāyā”-ti.

[BJT Page 324] [\x 324/]

1. 1. 8. Mānapariññāsuttaṃ (8)

“Mānaṃ bhikkhave anabhijānaṃ aparijānaṃ tattha cittaṃ avirājayaṃ appajahaṃ abhabbo dukkhakkhayāya. Mānaṃ ca kho bhikkhave abhijānaṃ parijānaṃ tattha cittaṃ virājayaṃ pajahaṃ bhabbo dukkhakkhayāyā”-ti.

[PTS Page 005] [\q 5/]

1. 1. 9. Lobhapariññāsuttaṃ (9)

“Lobhaṃ bhikkhave anabhijānaṃ aparijānaṃ tattha cittaṃ avirājayaṃ appajahaṃ abhabbo dukkhakkhayāya. Lobhaṃ ca kho bhikkhave abhijānaṃ parijānaṃ tattha cittaṃ virājayaṃ pajahaṃ bhabbo dukkhakkhayāyā”-ti.

[BJT Page 326] [\x 326/]

1. 1. 10 Dosapariññāsuttaṃ (10)

“Dosaṃ bhikkhave anabhijānaṃ aparijānaṃ tattha cittaṃ avirājayaṃ appajahaṃ abhabbo dukkhakkhayāya. Dosañ-ca kho bhikkhave abhijānaṃ parijānaṃ tattha cittaṃ virājayaṃ pajahaṃ bhabbo dukkhakkhayāyā”-ti.

[PTS Page 006] [\q 6/]

(Pāṭibhogavaggo paṭhamo)

[BJT Page 328] [\x 328/]

Dutiyo^13a vaggo

1. 2. 1. Mohapariññāsuttaṃ (11)

“Mohaṃ bhikkhave anabhijānaṃ aparijānaṃ tattha cittaṃ avirājayaṃ appajahaṃ abhabbo dukkhakkhayāya. Mohañ-ca kho bhikkhave abhijānaṃ parijānaṃ tattha cittaṃ virājayaṃ pajahaṃ bhabbo dukkhakkhayāyā”-ti.

[PTS Page 007] [\q 7/]

1. 2. 2. Kodhapariññāsuttaṃ (12)

“Kodhaṃ bhikkhave anabhijānaṃ aparijānaṃ tattha cittaṃ avirājayaṃ appajahaṃ abhabbo dukkhakkhayāya. Kodhañ-ca kho bhikkhave abhijānaṃ parijānaṃ tattha cittaṃ virājayaṃ pajahaṃ bhabbo dukkhakkhayāyā”-ti.

[BJT Page 330] [\x 330/]

1. 2. 3. Makkhapariññāsuttaṃ (13)

“Makkhaṃ bhikkhave anabhijānaṃ aparijānaṃ tattha cittaṃ avirājayaṃ appajahaṃ abhabbo dukkhakkhayāya. Makkhañ-ca kho bhikkhave abhijānaṃ parijānaṃ tattha cittaṃ virājayaṃ pajahaṃ bhabbo dukkhakkhayāyā”-ti.

[PTS Page 008] [\q 8/]

1. 1. 4. Avijjanīvaraṇasuttaṃ (14)

“Nāhaṃ bhikkhave aññaṃ ekanīvaraṇam-pi samanupassāmi yena nīvaraṇena nivutā pajā dīgharattaṃ sandhāvanti saṃsaranti yatha-y-idaṃ bhikkhave avijjānīvaraṇaṃ. Avijjānīvaraṇena hi bhikkhave nivutā pajā dīgharattaṃ sandhāvanti saṃsarantī”-ti.

[BJT Page 332] [\x 332/]

1. 2. 5. Taṇhāsaṃyojanasuttaṃ (15)

“Nāhaṃ bhikkhave aññaṃ ekasaññojanam-pi ¹⁸ samanupassāmi yena saññojanena saṃyuttā sattā dīgharattaṃ sandhāvanti saṃsaranti yatha-y-idaṃ bhikkhave taṇhāsaññojanaṃ. Taṇhāsaññojanena hi bhikkhave saṃyuttā sattā dīgharattaṃ sandhāvanti saṃsarantī”-ti.

[PTS Page 009] [\q 9/]

1. 2. 6. Paṭhamasekhasuttaṃ (16)

“Sekhassa bhikkhave bhikkhuno appattamānassa ²⁰ anuttaraṃ yogakkhemaṃ patthayamānassa viharato bāhiraṃ aṅgan-ti karitvā na aññaṃ ekaṅgam-pi samanupassāmi evaṃ bahūpakāraṃ yatha-y-idaṃ bhikkhave yoniso manasikāro. Yoniso bhikkhave bhikkhu manasikaronto akusalaṃ pajahati kusalaṃ bhāvetī”-ti.

[PTS Page 010] [\q 10/]

[BJT Page 334] [\x 334/]

1. 2. 7. Dutiyasekhasuttaṃ (17)

“Sekhassa bhikkhave bhikkhuno appattamānassa ²¹ anuttaraṃ yogakkhemaṃ patthayamānassa viharato bāhiraṃ aṅgan-ti karitvā na aññaṃ ekaṅgam-pi samanupassāmi evaṃ bahupakāraṃ yatha-y-idaṃ bhikkhave kalyāṇamittatā. Kalyāṇamitto bhikkhave bhikkhu akusalaṃ pajahati kusalaṃ bhāvetī”-ti.

1. 2. 8. Saṅghabhedasuttaṃ (18)

“Ekadhammo bhikkhave loke uppajjamāno [PTS Page 011] [\q 11/] uppajjati bahujanāhitāya bahujanāsukhāya bahuno janassa anatthāya ahitāya dukkhāya devamanussānaṃ. Katamo ekadhammo? Saṅghabhedo. Saṅghe kho pana bhikkhave bhinne aññam-aññaṃ bhaṇḍanāni ceva honti, aññam-aññaṃ paribhāsā ca honti, aññam-aññaṃ parikkhepā ca honti, aññam-aññaṃ pariccajanā ca honti. Tattha appasannā ceva nappasīdanti, pasannānañ-ca ekaccānaṃ aññathattaṃ hotī”-ti.

[BJT Page 336] [\x 336/]

1. 2. 9. Saṅghasāmaggisuttaṃ (19)

“Ekadhammo bhikkhave loke uppajjamāno uppajjati bahujanāhitāya bahujanāsukhāya bahuno janassa atthāya hitāya sukhāya devamanussānaṃ. Katamo [PTS Page 012] [\q 12/] ekadhammo? Saṅghasāmaggi. Saṅghe kho pana bhikkhave samagge na ceva aññam-aññaṃ bhaṇḍanāni honti, na ca aññam-aññaṃ paribhāsā honti, na ca aññam-aññaṃ parikkhepā honti, na ca aññam-aññaṃ pariccajanā honti. Tattha appasannā ceva pasīdanti pasannānañ-ca bhiyyobhāvo hotī”-ti.

1. 2. 10. Paduṭṭhapuggalasuttaṃ (20)

“Idāhaṃ bhikkhave ekaccaṃ puggalaṃ paduṭṭhacittaṃ evaṃ cetasā ceto paricca pajānāmi: “imamhi cāyaṃ samaye puggalo kālaṃ kareyya, yathā bhataṃ nikkhitto, evaṃ niraye. Taṃ kissa hetu? Cittañ-hissa bhikkhave paduṭṭhaṃ. Cetopadosahetu kho pana bhikkhave evam-idhekacce sattā kāyassa bhedā param-maraṇā apāyaṃ duggatiṃ vinipātaṃ nirayaṃ upapajjantī”-ti.

[PTS Page 013] [\q 13/]

[BJT Page 338] [\x 338/]

Vaggo dutiyo

Tatiyo vaggo

1. 3. 1. Pasannacittasuttaṃ (21)

“Idāhaṃ bhikkhave ekaccaṃ puggalaṃ pasannacittaṃ evaṃ cetasā ceto paricca pajānāmi: [PTS Page 014] [\q 14/] “imamhi cāyaṃ samaye puggalo kālaṃ kareyya yathā bhataṃ nikkhitto evaṃ sagge. Taṃ kissa hetu? Cittañ-hissa bhikkhave pasannaṃ. Cetopasādahetu kho pana bhikkhave evam-idhekacce sattā kāyassa bhedā param-maraṇā sugatiṃ lokaṃ upapajjantī”-ti.

[BJT Page 340] [\x 340/]

1. 3. 2. Māpuññabhāyīsuttaṃ ²³ (22)

“Mā bhikkhave puññānaṃ [PTS Page 015] [\q 15/] bhāyittha, sukhassetaṃ bhikkhave adhivacanaṃ iṭṭhassa kantassa piyassa manāpassa yadidaṃ puññāni. Abhijānāmi kho panāhaṃ bhikkhave dīgharattaṃ katānaṃ puññānaṃ iṭṭhaṃ kantaṃ piyaṃ manāpaṃ vipākaṃ paccanubhūtaṃ. Satta vassāni mettacittaṃ bhāvetvā satta saṃvaṭṭavivaṭṭakappe na-y-imaṃ lokaṃ punar-āgamāsiṃ. Saṃvaṭṭamāne sudaṃ bhikkhave kappe ābhassarūpago homi. Vivaṭṭamāne kappe suññaṃ brahmavimānaṃ upapajjāmi. Tatra sudaṃ bhikkhave brahmā homi mahābrahmā abhibhu anabhibhūto aññad-atthudaso vasavattī. Chattiṃsakkhattuṃ kho panāhaṃ bhikkhave Sakko ahosiṃ devānam-indo, anekasatakkhattuṃ rājā ahosiṃ cakkavattī dhammiko dhammarājā cāturanto vijitāvī janapadatthāvariyappatto sattaratanasampanno. Ko pana vādo padesarajjassa? Tassa mayhaṃ bhikkhave etad-ahosi: “kissa nu kho me idaṃ kammassa phalaṃ, kissa kammassa vipāko, yenāhaṃ etarahi evaṃ mahiddhiko evaṃ mahānubhāvo?” ti. Tassa mayhaṃ bhikkhave etad-ahosi: “tiṇṇaṃ kho me idaṃ kammānaṃ phalaṃ, tiṇṇaṃ kammānaṃ vipāko, yenāhaṃ etarahi evaṃ mahiddhiko evaṃ mahānubhāvo” ti, seyyathīdaṃ: dānassa damassa saññamassā”-ti.

[PTS Page 016] [\q 16/]

[BJT Page 342] [\x 342/]

1. 3. 3. Ubho-atthasuttaṃ (23)

“Ekadhammo bhikkhave bhāvito bahulīkato ubho atthe samadhigayha tiṭṭhati, diṭṭhadhammikañ-ceva atthaṃ samparāyikañ-ca. Katamo ekadhammo? Appamādo kusalesu dhammesu. Ayaṃ kho bhikkhave ekadhammo bhāvito bahulīkato ubho atthe samadhigayha tiṭṭhati diṭṭhadhammikañ-ceva atthaṃ samparāyikañ-cā”-ti.

[PTS Page 017] [\q 17/]

1. 3. 4. Aṭṭhipuñjasuttaṃ (24)

“Ekapuggalassa bhikkhave kappaṃ sandhāvato saṃsarato siyā evaṃ mahā aṭṭhikaṅkalo aṭṭhipuñjo aṭṭhirāsi yathāyaṃ Vepullapabbato, sace saṃhārako assa sambhatañ-ca na vinasseyyā”-ti.

[PTS Page 018] [\q 18/]

[BJT Page 344] [\x 344/]

1. 3. 5. Sampajānamusāvādasuttaṃ (25)

“Ekaṃ dhammaṃ atītassa bhikkhave purisapuggalassa nāhaṃ tassa kiñci pāpakammaṃ akaraṇīyanti vadāmi. Katamaṃ ekadhammaṃ? Yatha-y-idaṃ ²⁶ bhikkhave sampajānamusāvādo”-ti.

1. 3. 6. Dānasaṃvibhāgasuttaṃ (26)

“Evañ-ce bhikkhave sattā jāneyyuṃ dānasaṃvibhāgassa vipākaṃ yathāhaṃ jānāmi, na adatvā bhuñjeyyuṃ, na ca nesaṃ maccheramalaṃ cittaṃ pariyādāya tiṭṭheyya. Yo pi nesaṃ assa carimo ālopo carimaṃ kabaḷaṃ, tato pi na asaṃvibhajitvā bhuñjeyyuṃ sace nesaṃ paṭiggāhakā assu. Yasmā ca kho bhikkhave [PTS Page 019] [\q 19/] sattā na evaṃ jānanti dānasaṃvibhāgassa vipākaṃ yathāhaṃ jānāmi, tasmā adatvā bhuñjanti maccheramalañ-ca nesaṃ cittaṃ pariyādāya tiṭṭhatī”-ti.

[BJT Page 346] [\x 346/]

1. 3. 7. Mettācetovimuttisuttaṃ (27)

“Yāni kānici bhikkhave opadhikāni puññakiriyavatthūni, sabbāni tāni mettāya cetovimuttiyā kālaṃ nāgghanti soḷasiṃ, mettā yeva tāni cetovimutti adhiggahetvā bhāsate ca, tapate ca, virocati ca. Seyyathāpi bhikkhave yā kāci tārakarūpānaṃ pabhā, sabbā [PTS Page 020] [\q 20/] tā candimapabhāya kalaṃ nāgghanti soḷasiṃ, candappabhā yeva tā adhiggahetvā bhāsate ca, tapate ca virocati ca, evaṃ kho bhikkhave yāni kānici opadhikāni puññakiriyavatthūni, sabbāni tāni mettāya cetovimuttiyā kalaṃ nāgghanti soḷasiṃ, mettā yeva tāni cetovimutti adhiggahetvā bhāsate ca, tapate ca, virocati ca.

Seyyathāpi bhikkhave vassānaṃ pacchime māse saradasamaye viddhe vigatavalāhake nabhe ādicco nabhaṃ abbhussakkamāno ²⁷ sabbaṃ ākāsagataṃ tamagataṃ abhivibhacca bhāsate ca, tapate ca, virocati ca, evam-eva kho bhikkhave yāni kānici opadhikāni puññakiriyavatthūni, sabbāni tāni mettāya cetovimuttiyā kalaṃ nāgghanti soḷasiṃ, mettā yeva tāni cetovimutti adhiggahetvā bhāsate ca, tapate ca, virocati ca.

Seyyathāpi bhikkhave rattiyā paccūsasamayaṃ osadhi tārakā bhāsate ca, tapate ca, virocati ca, evam-eva kho bhikkhave yāni kānici opadhikāni puññakiriyavatthūni, sabbāni tāni mettāya cetovimuttiyā kalaṃ nāgghanti [PTS Page 021] [\q 21/] soḷasiṃ, mettā yeva tāni cetovimutti adhiggahetvā bhāsate ca, tapate ca, virocati cā”-ti. ²⁸

[BJT Page 348] [\x 348/]
[PTS Page 022] [\q 22/]

Vaggo tatiyo

Ekakanipāto niṭṭhito

Itivuttaka Home Page    Table of Contents     First Sutta     Translation

Ekakanipāto     Dukanipāto    Tikanipāto    Catukkanipāto

Sutta Index (serial order)     Sutta Index (alphabetical order)

First Line Index    Index of the Metres

Word Index (by sutta number)     Word Index (by BJT page number)

End Notes

1 BJT Note: Vuttaṃ Arahatā ti - I ??, Commentary, Printed book.

2 BJT Note: Ekaṃ dhammaṃ - Palm leaf book Commentary, Printed book,

3 BJT Note: Etaṃ atthaṃ - Commentary, Printed book (PTS is also listed as showing this reading, but in fact it reads Etam-atthaṃ throughout).

4 Metre: Vatta - In these first 6 suttas all the pādayugas are pathyā, the normal form of the metre.

5 Editor's note: BJT prints luddhā se here and in similar positions throughout, but it appears the reading should be luddhāse, which is a nominatitive plural ending (see Wilhelm Geiger: A Pāli Grammer # 79.4; and K. R. Norman: Group of Discourses II, pg 134 for further references).

6 Editor's note: From here on BJT places all titles in brackets (in the Sinhala translation the brackets started at the 3rd sutta).

7 Metre: Vatta - both pādayugas are pathyā. There are 9 syllables in line d.

8 BJT Note: Sabba - ChS.

9 BJT Note: Sabbadukkhaṃ upaccagā - Thai, PTS. Editor's note: PTS actually reads: Sa ve sabbaṃ pariññā so sabbadukkhaṃ upaccagā ti, which is better metrically. cf. the last line in the next sutta.

11 BJT Note: Pahanatvāna - ChS.

12 BJT Note: Sabbadukkhaṃ upaccaguṃ - Thai, PTS.

13 Metre: Vatta - the verses in suttas 9 - 13 are the same as the verses in suttas 1 - 5, and are therefore pathyā in all three pādayugas.

13a Editor's note: BJT prints Dutiyavaggo here and in what follows, but everywhere else it prints Paṭhamo vaggo, Tatiyo vaggo, Catuttho vaggo etc. Changed for consistency.

14 BJT Note: Makkhitāye - Thai, ChS.

15 BJT Note: Ekadhammo ca - Palm leaf book, Printed book.

16 BJT Note: Yeneva - Palm leaf book, Printed book.

17 BJT Note: Pahanatvāna - Palm leaf book, Printed book; ChS.

18 BJT Note: Saṃyojanaṃ pi - PTS.

19 BJT Note: Taṇhā dukkhassa sambhavaṃ - Palm leaf book, Printed book.

20 Editor's note: BJT prints appattamānasassa, by mistake

21 Editor's note: BJT again prints appattamānasassa here.

22 Metre: Line c has an unexpected short syllable in 4th position.

23 BJT Note: Mettasutta - ChS.

24 Editor's note: BJT reads pavūccatī”-ti, a printer's error.

25 Metre: Note that in this line ariya- must be scanned as 3 syllables (111), whereas in line e of the same verse we have to understand a sarabhatti vowel in the same word (scanning 21) - a good example of how flexible these matters are in the canonical period.

26 BJT Note: Yadidaṃ - ChS.

27 BJT Note: Abbhussaggamāno - Palm leaf book, Printed Commentary; Abbhussakkamāno - Palm leaf edition of the Commentary. (It is not clear how we should understand the references given by BJT in this note, the interpretation given above is tentative).

28 Editor's note: the usual quotation marker iti is missing from BJT here.

29 Metre: We should no doubt read Mettāyatī m. c.

30 Metre: This line appears to be corrupt metrically.

31 Metre: Line d appears to be missing, which is no doubt another sign of corruption here.

Itivuttaka Home Page    Table of Contents     First Sutta     Translation

Ekakanipāto     Dukanipāto    Tikanipāto    Catukkanipāto

Sutta Index (serial order)     Sutta Index (alphabetical order)

First Line Index    Index of the Metres

Word Index (by sutta number)     Word Index (by BJT page number)