Itivuttaka Home Page    Table of Contents     First Sutta     Translation

Ekakanipāto     Dukanipāto    Tikanipāto    Catukkanipāto

Sutta Index (serial order)     Sutta Index (alphabetical order)

First Line Index    Index of the Metres

Word Index (by sutta number)     Word Index (by BJT page number)

3. 1. 1. Akusalamūlasuttaṃ (50)

3. 1. 2. Dhātusuttaṃ (51)

3. 1. 3. Paṭhamavedanāsuttaṃ (52)

3. 1. 4. Dutiyavedanāsuttaṃ (53)

3. 1. 5. Paṭhama-esanāsuttaṃ (54)

3. 1. 6. Dutiya-esanāsuttaṃ (55)

3. 1. 7. Paṭhama-āsavasuttaṃ (56)

3. 1. 8. Dutiya-āsavasuttaṃ (57)

3. 1. 9. Taṇhāsuttaṃ (58)

3. 1. 10. Māradheyyasuttaṃ (59)

3. 2. 1. Puññakiriyavatthusuttaṃ (60)

3. 2. 2. Cakkhusuttaṃ (61)

3. 2. 3. Indriyasuttaṃ (62)

3. 2. 4. Addhāsuttaṃ (63)

3. 2. 5. Duccaritasuttaṃ (64)

3. 2. 6. Sucaritasuttaṃ (65)

3. 2. 7. Soceyyasuttaṃ (66)

3. 2. 8. Moneyyasuttaṃ (67)

3. 2. 9. Paṭhamarāgasuttaṃ (68)

3. 2. 10. Dutiyarāgasuttaṃ (69)

3. 3. 1. Micchādiṭṭhikammasamādānasuttaṃ (70)

3. 3. 2. Sammādiṭṭhikammasamādānasuttaṃ (71)

3. 3. 3. Nissaraṇīyasuttaṃ (72)

3. 3. 4. Santatarasuttaṃ (73)

3. 3. 5. Puttasuttaṃ (74)

3. 3. 6. Vuṭṭhisuttaṃ (75)

3. 3. 7. Sukhapatthanāsuttaṃ (76)

3. 3. 8. Bhidurasuttaṃ (77)

3. 3. 9. Dhātusaṃsandanasuttaṃ (78)

3. 3. 10. Parihānasuttaṃ (79)

3.4.1. Vitakkasuttaṃ (80)

3. 4. 2. Sakkārasuttaṃ (81)

3. 4. 3. Devasaddasuttaṃ (82)

3. 4. 4. Pubbanimittasuttaṃ (83)

3. 4. 5. Bahujanahitasuttaṃ (84)

3. 4. 6. Asubhānupassīsuttaṃ (85)

3. 4. 7. Dhammānudhammapaṭipannasuttaṃ (86)

3. 4. 8. Andhakaraṇasuttaṃ (87)

3. 4. 9. Antarāmalasuttaṃ (88)

3. 4. 10. Devadattasuttaṃ (89)

3. 5. 1. Aggappasādasuttaṃ (90)

3. 5. 2. Jīvikāsuttaṃ (91)

3. 5. 3. Saṅghāṭikaṇṇasuttaṃ (92)

3. 5. 4. Aggisuttaṃ (93)

3. 5. 5. Upaparikkhasuttaṃ (94)

3. 5. 6. Kāmūpapattisuttaṃ (95)

3. 5. 7. Kāmayogasuttaṃ (96)

3. 5. 8. Kalyāṇasīlasuttaṃ (97)

3. 5. 9. Dānasuttaṃ (98)

3. 5. 10. Tevijjasuttaṃ (99)

[BJT Page 378] [\x 378/]
[PTS Page 045] [\q 45/]

3. 1. 1. Akusalamūlasuttaṃ (50)

“Tīṇimāni bhikkhave akusalamūlāni. Katamāni tīṇi? Lobho akusalamūlaṃ, doso akusalamūlaṃ, moho akusalamūlaṃ. Imāni kho bhikkhave tīṇi akusalamūlānī”-ti.

3. 1. 2. Dhātusuttaṃ (51)

“Tisso imā bhikkhave dhātuyo. Katamā tisso? Rūpadhātu, arūpadhātu, nirodhadhātu. Imā kho bhikkhave tisso dhātuyo” ti.

[PTS Page 046] [\q 46/]

[BJT Page 380] [\x 380/]

3. 1. 3. Paṭhamavedanāsuttaṃ (52)

“Tisso imā bhikkhave vedanā. Katamā tisso? Sukhā vedanā, dukkhā vedanā, adukkhamasukhā vedanā. Imā kho bhikkhave tisso vedanā”-ti.

[PTS Page 047] [\q 47/]

3. 1. 4. Dutiyavedanāsuttaṃ (53)

“Tisso imā bhikkhave vedanā. Katamā tisso? Sukhā vedanā, dukkhā vedanā, adukkhamasukhā vedanā.

Sukhā bhikkhave vedanā dukkhato daṭṭhabbā; dukkhā vedanā sallato daṭṭhabbā; adukkhamasukhā vedanā aniccato daṭṭhabbā. Yato kho bhikkhave bhikkhuno sukhā vedanā dukkhato diṭṭhā hoti, dukkhā vedanā sallato diṭṭhā hoti, adukkhamasukhā vedanā aniccato diṭṭhā hoti, ayaṃ vuccati bhikkhave bhikkhu ariyo sammaddaso acchecchi taṇhaṃ vāvattayi ³ saṃyojanaṃ sammā mānābhisamayā antamakāsi dukkhassā”-ti.

[BJT Page 382] [\x 382/]
[PTS Page 048] [\q 48/]

3. 1. 5. Paṭhama-esanāsuttaṃ (54)

“Tisso imā bhikkhave esanā. Katamā tisso? Kāmesanā, bhavesanā, brahmacariyesanā. Imā kho bhikkhave tisso esanā” ti.

3. 1. 6. Dutiya-esanāsuttaṃ (55)

“Tisso imā bhikkhave esanā. Katamā tisso? Kāmesanā, bhavesanā, brahmacariyesanā. Imā kho bhikkhave tisso esanā” ti.

[PTS Page 049] [\q 49/]

[BJT Page 384] [\x 384/]

3. 1. 7. Paṭhama-āsavasuttaṃ (56)

“Tayome bhikkhave āsavā. Katame tayo? Kāmāsavo, bhavāsavo, avijjāsavo. Ime kho bhikkhave tayo āsavā” ti.

3. 1. 8. Dutiya-āsavasuttaṃ (57)

“Tayome bhikkhave āsavā. Katame tayo? Kāmāsavo, bhavāsavo, avijjāsavo. Ime kho bhikkhave tayo āsavā” ti.

[PTS Page 050] [\q 50/]

[BJT Page 386] [\x 386/]

3. 1. 9. Taṇhāsuttaṃ (58)

“Tisso imā bhikkhave taṇhā. Katamā tisso? Kāmataṇhā, bhavataṇhā, vibhavataṇhā. Imā kho bhikkhave tisso taṇhā” ti.

3. 1. 10. Māradheyyasuttaṃ (59)

“Tīhi bhikkhave dhammehi samannāgato [PTS Page 051] [\q 51/] bhikkhu atikkamma Māradheyyaṃ ādicco va virocati. Katamehi tīhi? Idha bhikkhave bhikkhu asekhena sīlakkhandhena samannāgato hoti, asekhena samādhikkhandhena samannāgato hoti, asekhena paññākkhandhena samannāgato hoti. Imehi kho bhikkhave tīhi dhammehi samannāgato bhikkhu atikkamma Māradheyyaṃ ādicco va virocatī”-ti.

Vaggo paṭhamo

[BJT Page 388] [\x 388/]

Dutiyo vaggo

3. 2. 1. Puññakiriyavatthusuttaṃ (60)

“Tīṇimāni bhikkhave puññakiriyavatthūni. Katamāni tīṇi? Dānamayaṃ puññakiriyavatthu, sīlamayaṃ puññakiriyavatthu, bhāvanāmayaṃ puññakiriyavatthu. Imāni kho bhikkhave tīṇi puññakiriyavatthūnī”-ti.

[PTS Page 052] [\q 52/]

3. 2. 2. Cakkhusuttaṃ (61)

“Tīṇimāni bhikkhave cakkhūni. Katamāni tīṇi? Maṃsacakkhu, dibbacakkhu, paññācakkhū”-ti. Imāni kho bhikkhave tīṇi cakkhūnī”-ti.

[BJT Page 390] [\x 390/]
[PTS Page 053] [\q 53/]

3. 2. 3. Indriyasuttaṃ (62)

“Tīṇimāni bhikkhave indriyāni. Katamāni tīṇi: anaññātaññassāmītindriyaṃ, aññīndriyaṃ, aññātāvindriyaṃ. Imāni kho bhikkhave tīṇi indriyānī”-ti.

3. 2. 4. Addhāsuttaṃ (63)

“Tayome bhikkhave addhā. Katame tayo? Atīto addhā, anāgato addhā, paccuppanno addhā. Ime kho bhikkhave tayo addhā”-ti.

[PTS Page 054] [\q 54/]

[BJT Page 392] [\x 392/]

3. 2. 5. Duccaritasuttaṃ (64)

“Tīṇimāni bhikkhave duccaritāni. Katamāni tīṇi? Kāyaduccaritaṃ, vacīduccaritaṃ, manoduccaritaṃ. Imāni kho bhikkhave tīṇi duccaritānī”-ti.

[PTS Page 055] [\q 55/]

3. 2. 6. Sucaritasuttaṃ (65)

“Tīṇimāni bhikkhave sucaritāni. Katamāni tīṇi? Kāyasucaritaṃ, vacīsucaritaṃ, manosucaritaṃ. Imāni kho bhikkhave tīṇi sucaritānī”-ti.

[BJT Page 394] [\x 394/]

3. 2. 7. Soceyyasuttaṃ (66)

“Tīṇimāni bhikkhave soceyyāni. Katamāni tīṇi? Kāyasoceyyaṃ, vacīsoceyyaṃ, manosoceyyaṃ. Imāni kho bhikkhave tīṇi soceyyānī”-ti.

[PTS Page 056] [\q 56/]

3. 2. 8. Moneyyasuttaṃ (67)

“Tīṇimāni bhikkhave moneyyāni. Katamāni tīṇi? Kāyamoneyyaṃ, vacīmoneyyaṃ, manomoneyyaṃ. Imāni kho bhikkhave tīṇi moneyyānī”-ti.

3. 2. 9. Paṭhamarāgasuttaṃ (68)

“Yassa kassaci bhikkhave rāgo appahīno, doso appahīno, moho appahīno, ayaṃ vuccati bhikkhave baddho ¹⁶ Mārassa, pamukkassa Mārapāso, yathākāmakaraṇīyo ca pāpimato.

[BJT Page 396] [\x 396/]

Yassa kassaci bhikkhave rāgo pahīno, doso pahīno, moho pahīno, ayaṃ vuccati bhikkhave abaddho ¹⁷ Mārassa, omukkassa Mārapāso, na yathākāmakaraṇīyo pāpimato” ti.

[PTS Page 057] [\q 57/]

3. 2. 10. Dutiyarāgasuttaṃ (69)

“Yassa kassaci bhikkhave bhikkhussa vā bhikkhuniyā vā rāgo appahīno, doso appahīno, moho appahīno, ayaṃ vuccati bhikkhave na atari samuddaṃ sa-ūmiṃ savīciṃ sāvaṭṭaṃ sagahaṃ sarakkhasaṃ. Yassa kassaci bhikkhave bhikkhussa vā bhikkhuniyā vā rāgo pahīno, doso pahīno, moho pahīno, ayaṃ vuccati bhikkhave atari ¹⁸ samuddaṃ sa-ūmiṃ savīciṃ sāvaṭṭaṃ sagahaṃ sarakkhasaṃ, tiṇṇo pāragato, thale tiṭṭhati brāhmaṇo” ti.

[PTS Page 058] [\q 58/]

Dutiyo vaggo

[BJT Page 398] [\x 398/]

Tatiyo vaggo

3. 3. 1. Micchādiṭṭhikammasamādānasuttaṃ (70)

“Diṭṭhā mayā bhikkhave sattā kāyaduccaritena samannāgatā, vacīduccaritena samannāgatā, manoduccaritena samannāgatā, ariyānaṃ upavādakā, micchādiṭṭhikā micchādiṭṭhikammasamādānā, te kāyassa bhedā param-maraṇā apāyaṃ duggatiṃ vinipātaṃ nirayaṃ upapannā. Taṃ kho panāhaṃ bhikkhave nāññassa samaṇassa vā brāhmaṇassa vā sutvā vadāmi.

Diṭṭhā mayā bhikkhave sattā kāyaduccaritena samannāgatā, vacīduccaritena samannāgatā, manoduccaritena [PTS Page 059] [\q 59/] samannāgatā, ariyānaṃ upavādakā, micchādiṭṭhikā micchādiṭṭhikammasamādānā, te kāyassa bhedā param-maraṇā apāyaṃ duggatiṃ vinipātaṃ nirayaṃ upapannā. Api ca bhikkhave yad-eva sāmaṃ ñātaṃ, sāmaṃ diṭṭhaṃ, sāmaṃ viditaṃ tad-evāhaṃ vadāmi.

Diṭṭhā mayā bhikkhave sattā kāyaduccaritena samannāgatā, vacīduccaritena samannāgatā, manoduccaritena samannāgatā, ariyānaṃ upavādakā, micchādiṭṭhikā micchādiṭṭhikammasamādānā, te kāyassa bhedā param-maraṇā apāyaṃ duggatiṃ vinipātaṃ nirayaṃ upapannā” ti.

[BJT Page 400] [\x 400/]

3. 3. 2. Sammādiṭṭhikammasamādānasuttaṃ (71)

“Diṭṭhā mayā bhikkhave sattā kāyasucaritena samannāgatā, vacīsucaritena samannāgatā, manosucaritena [PTS Page 060] [\q 60/] samannāgatā, ariyānaṃ anupavādakā, sammādiṭṭhikā sammādiṭṭhikammasamādānā, te kāyassa bhedā param-maraṇā sugatiṃ saggaṃ lokaṃ upapannā. Taṃ kho panāhaṃ bhikkhave nāññassa samaṇassa vā brāhmaṇassa vā sutvā vadāmi.

Diṭṭhā mayā bhikkhave sattā kāyasucaritena samannāgatā, vacisucaritena samannāgatā, manosucaritena samannāgatā, ariyānaṃ anupavādakā sammādiṭṭhikā sammādiṭṭhikammasamādānā, te kāyassa bhedā param-maraṇā sugatiṃ saggaṃ lokaṃ upapannā. Api ca bhikkhave yad-eva sāmaṃ ñātaṃ, sāmaṃ diṭṭhaṃ, sāmaṃ viditaṃ tad-evāhaṃ vadāmi.

Diṭṭhā mayā bhikkhave sattā kāyasucaritena samannāgatā, vacīsucaritena samannāgatā, manosucaritena samannāgatā, ariyānaṃ anupavādakā, sammādiṭṭhikā sammādiṭṭhikammasamādānā, te kāyassa bhedā param-maraṇā sugatiṃ saggaṃ lokaṃ upapannā” ti.

[BJT Page 402] [\x 402/]
[PTS Page 061] [\q 61/]

3. 3. 3. Nissaraṇīyasuttaṃ (72)

“Tisso imā bhikkhave nissaraṇīyā dhātuyo. Katamā tisso? Kāmānam-etaṃ nissaraṇaṃ yadidaṃ nekkhammaṃ, rūpānam-etaṃ nissaraṇaṃ yadidaṃ āruppaṃ, yaṃ kho pana kiñci bhūtaṃ saṅkhataṃ paṭiccasamuppannaṃ, nirodho tassa nissaraṇaṃ. Imā kho bhikkhave tisso nissaraṇīyā dhātuyo” ti.

3. 3. 4. Santatarasuttaṃ (73)

“Rūpehi bhikkhave arūpā santatarā, arūpehi nirodho santataro” ti.

[BJT Page 404] [\x 404/]

3. 3. 5. Puttasuttaṃ (74)

“Tayome bhikkhave puttā santo saṃvijjamānā [PTS Page 063] [\q 63/] lokasmiṃ. Katame tayo? Atijāto anujāto avajāto ti.

Kathañ-ca bhikkhave putto atijāto hoti? Idha bhikkhave puttassa mātāpitaro honti na Buddhaṃ saraṇaṃ gatā, na dhammaṃ saraṇaṃ gatā, na saṅghaṃ saraṇaṃ gatā, pāṇātipātā appaṭiviratā, adinnādānā appaṭiviratā, kāmesu micchācārā appaṭiviratā, musāvādā appaṭiviratā, surāmerayamajjapamādaṭṭhānā appaṭiviratā, dussīlā pāpadhammā. Putto ca nesaṃ hoti Buddhaṃ saraṇaṃ gato, dhammaṃ saranaṃ gato, saṅghaṃ saraṇaṃ gato, pāṇātipātā paṭivirato, adinnādānā paṭivirato, kāmesumicchācārā paṭivirato, musāvādā paṭivirato, surāmerayamajjapamādaṭṭhānā paṭivirato, sīlavā kalyaṇadhammo. Evaṃ kho bhikkhave putto atijāto hoti.

Kathañ-ca bhikkhave putto anujāto hoti? Idha bhikkhave puttassa mātāpitaro honti Buddhaṃ saraṇaṃ gatā, dhammaṃ saraṇaṃ gatā, saṅghaṃ saraṇaṃ gatā, pāṇātipātā paṭiviratā, adinnādānā paṭiviratā, kāmesu micchācārā paṭiviratā, musāvādā paṭiviratā, surāmerayamajjapamādaṭṭhānā paṭiviratā, sīlavanto kalyaṇadhammā. Putto ca nesaṃ hoti Buddhaṃ saraṇaṃ gato, dhammaṃ saraṇaṃ gato, saṅghaṃ saraṇaṃ gato, pāṇātipātā paṭivirato, adinnādānā paṭivirato, kāmesumicchācārā paṭivirato, musāvādā paṭivirato, surāmerayamajjapamādaṭṭhānā paṭivirato, sīlavā kalyaṇadhammo. Evaṃ kho bhikkhave putto anujāto hoti.

Kathañ-ca bhikkhave putto avajāto hoti? Idha bhikkhave puttassa mātāpitaro honti Buddhaṃ saraṇaṃ gatā, dhammaṃ saraṇaṃ gatā, saṅghaṃ saraṇaṃ gatā, pāṇātipātā paṭiviratā, adinnādānā paṭiviratā, kāmesu micchācārā paṭiviratā, musāvādā paṭiviratā, surāmerayamajjapamādaṭṭhānā paṭiviratā, sīlavanto kalyaṇadhammā. Putto ca nesaṃ hoti na Buddhaṃ saraṇaṃ gato, na dhammaṃ saraṇaṃ gato, na saṅghaṃ saraṇaṃ gato, pāṇātipātā appaṭivirato, adinnādānā appaṭivirato, kāmesumicchācārā appaṭivirato, [PTS Page 064] [\q 64/] musāvādā appaṭivirato, surāmerayamajjapamādaṭṭhānā appaṭivirato, dussīlo pāpadhammo. Evaṃ kho bhikkhave putto avajāto hoti.

Ime kho bhikkhave tayo puttā santo saṃvijjamānā lokasmin”-ti.

[BJT Page 406] [\x 406/]

3. 3. 6. Vuṭṭhisuttaṃ ²⁴ (75)

“Tayome bhikkhave puggalā santo saṃvijjamānā lokasmiṃ. Katame tayo? Avuṭṭhikasamo padesavassī sabbatthābhivassī.

Kathañ-ca bhikkhave puggalo avuṭṭhikasamo hoti? Idha bhikkhave ekacco puggalo sabbesañ-ñeva na dātā hoti samaṇabrāhmaṇakapaṇaddhikavaṇibbakayācakānaṃ annaṃ pānaṃ vatthaṃ yānaṃ [PTS Page 065] [\q 65/] mālāgandhavilepanaṃ seyyāvasathapadīpeyyaṃ. Evaṃ kho bhikkhave puggalo ²⁵ avuṭṭhikasamo hoti.

Kathañ-ca bhikkhave puggalo padesavassī hoti? Idha bhikkhave ekacco puggalo ekaccānaṃ dātā hoti, ekaccānaṃ na dātā hoti samaṇabrāhmaṇakapaṇaddhikavaṇibbakayācakānaṃ annaṃ pānaṃ vatthaṃ yānaṃ mālāgandhavilepanaṃ seyyāvasathapadīpeyyaṃ. Evaṃ kho bhikkhave puggalo padesavassī hoti.

Kathañ-ca bhikkhave puggalo sabbatthābhivassī hoti? Idha bhikkhave ekacco puggalo sabbesañ-ca deti samaṇabrāhmaṇakapaṇaddhikavaṇibbakayācakānaṃ annaṃ pānaṃ vatthaṃ yānaṃ mālāgandhavilepanaṃ seyyāvasathapadīpeyyaṃ. Evaṃ kho bhikkhave puggalo sabbatthābhivassī hoti.

Ime kho bhikkhave tayo puggalā santo saṃvijjamānā lokasmin”-ti.

[BJT Page 408] [\x 408/]

[PTS Page 066] [\q 66/]

[PTS Page 067] [\q 67/]

3. 3. 7. Sukhapatthanāsuttaṃ (76)

“Tīnimāni bhikkhave sukhāni patthayamāno sīlaṃ rakkheyya paṇḍito. Katamāni tīṇi? “Pasaṃsā me āgacchatū”-ti sīlaṃ rakkheyya paṇḍito, “bhogā me uppajjantū”-ti sīlaṃ rakkheyya paṇḍito, “kāyassa bhedā param-maraṇā sugatiṃ saggaṃ lokaṃ upapajjissāmī”-ti sīlaṃ rakkheyya paṇḍito. Imāni kho bhikkhave tīṇi sukhāni patthayamāno sīlaṃ rakkheyya paṇḍito” ti.

[PTS Page 069] [\q 69/]

3. 3. 8. Bhidurasuttaṃ (77)

“Bhidurāyaṃ bhikkhave kāyo viññāṇaṃ virāgadhammaṃ sabbe upadhī aniccā dukkhā vipariṇāmadhammā” ti.

[BJT Page 412] [\x 412/]
[PTS Page 070] [\q 70/]

3. 3. 9. Dhātusaṃsandanasuttaṃ (78)

“Dhātuso bhikkhave sattā sattehi saddhiṃ saṃsandanti samenti. Hīnādhimuttikā sattā hīnādhimuttikehi sattehi saddhiṃ saṃsandanti samenti. Kalyāṇādhimuttikā sattā kalyāṇādhimuttikehi sattehi saddhiṃ saṃsandanti samenti.

Atītam-pi bhikkhave addhānaṃ dhātuso sattā sattehi saddhiṃ saṃsandiṃsu samiṃsu. Hīnādhimuttikā sattā hīnādhimuttikehi sattehi saddhiṃ saṃsandiṃsu samiṃsu. Kalyāṇādhimuttikā ³³ sattā kalyāṇādhimuttikehi sattehi saddhiṃ saṃsandiṃsu samiṃsu.

Anāgatam-pi bhikkhave addhānaṃ dhātuso sattā sattehi saddhiṃ saṃsandissanti samessanti. Hīnādhimuttikā sattā hīnādhimuttikehi sattehi saddhiṃ saṃsandissanti samessanti. Kalyāṇādimuttikā sattā kalyāṇādhimuttikehi sattehi saddhiṃ saṃsandissanti samessanti. ³⁴

Etarahi pi bhikkhave paccuppannaṃ addhānaṃ dhātuso va sattā sattehi saddhiṃ saṃsandanti, samenti. Hīnādhimuttikā sattā hīnādhimuttikehi sattehi saddhiṃ saṃsandanti samenti. Kalyāṇādhimuttikā sattā kalyāṇādhimuttikehi sattehi saddhiṃ saṃsandanti samentī”-ti.

[PTS Page 071] [\q 71/]

[BJT Page 414] [\x 414/]

3. 3. 10. Parihānasuttaṃ (79)

“Tayome bhikkhave dhammā sekhassa bhikkhuno parihānāya saṃvattanti. Katame tayo? Idha bhikkhave sekho bhikkhu kammārāmo hoti, kammarato, kammārāmatam-anuyutto, bhassārāmo hoti, bhassarato, bhassārāmatam-anuyutto, niddārāmo hoti, niddārato, niddārāmatam-anuyutto. Ime kho bhikkhave tayo dhammā sekhassa bhikkhuno parihānāya saṃvattanti.

Tayome bhikkhave dhammā sekhassa bhikkhuno aparihānāya saṃvattanti. Katame tayo? Idha bhikkhave sekho bhikkhu na kammārāmo hoti, na kammarato, na kammārāmatam-anuyutto, na bhassārāmo hoti, na bhassarato, na bhassārāmatam-anuyutto, na niddārāmo hoti, na niddārato [PTS Page 072] [\q 72/] na niddārāmatam-anuyutto. Ime kho bhikkhave tayo dhammā sekhassa bhikkhuno aparihānāya saṃvattantī”-ti. ³⁶

Vaggo tatiyo

[BJT Page 416] [\x 416/]

Catuttho vaggo

3.4.1. Vitakkasuttaṃ (80)

“Tayome bhikkhave akusalavitakkā. Katame tayo? Anavaññattipaṭisaṃyutto vitakko, lābhasakkārasilokapaṭisaṃyutto vitakko, parānuddayatāpaṭisaṃyutto vitakko. Ime kho bhikkhave tayo akusalavitakkā” ti.

[PTS Page 073] [\q 73/]

3. 4. 2. Sakkārasuttaṃ (81)

“Diṭṭhā mayā bhikkhave sattā sakkārena abhibhūtā pariyādinnacittā kāyassa bhedā param-maraṇā apāyaṃ duggatiṃ vinipātaṃ nirayaṃ upapannā. Diṭṭhā mayā bhikkhave sattā asakkārena abhibhūtā pariyādinnacittā kāyassa bhedā param-maraṇā apāyaṃ duggatiṃ vinipātaṃ nirayaṃ upapannā. Diṭṭhā mayā bhikkhave sattā sakkārena ca asakkārena ca tad-ubhayena abhibhūtā pariyādinnacittā kāyassa bhedā param-maraṇā apāyaṃ duggatiṃ vinipātaṃ nirayaṃ upapannā.

[BJT Page 418] [\x 418/]
[PTS Page 074] [\q 74/]

Taṃ kho panāhaṃ bhikkhave nāññassa samaṇassa vā brāhmaṇassa vā sutvā vadāmi. Api ca bhikkhave yad-eva me sāmaṃ ñātaṃ, sāmaṃ diṭṭhaṃ, sāmaṃ viditaṃ tad-evāhaṃ vadāmi:

Diṭṭhā mayā bhikkhave sattā sakkārena abhibhūtā pariyādinnacittā kāyassa bhedā param-maraṇā apāyaṃ duggatiṃ vinipātaṃ nirayaṃ upapannā. Diṭṭhā mayā bhikkhave sattā asakkārena abhibhūtā pariyādinnacittā kāyassa bhedā param-maraṇā apāyaṃ duggatiṃ vinipātaṃ nirayaṃ upapannā. Diṭṭhā mayā bhikkhave sattā sakkārena ca asakkārena ca tad-ubhayena abhibhūtā pariyādinnacittā kāyassa bhedā param-maraṇā apāyaṃ duggatiṃ vinipātaṃ nirayaṃ upapannā” ti.

3. 4. 3. Devasaddasuttaṃ (82)

“Tayome bhikkhave devesu devasaddā niccharanti samayā samayaṃ upādāya. Katame tayo?

Yasmiṃ bhikkhave samaye ariyasāvako kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajjāya ceteti. Tasmiṃ samaye devesu devasaddo niccharati: “eso ariyasāvako Mārena saddhiṃ saṅgāmāya cetetī”-ti. Ayaṃ bhikkhave paṭhamo devesu devasaddo niccharati samayā samayaṃ upādāya.

[BJT Page 420] [\x 420/]

Puna ca paraṃ bhikkhave yasmiṃ samaye ariyasāvako sattannaṃ bodhipakkhiyānaṃ dhammānaṃ bhavanānuyogam-anuyutto viharati. Tasmiṃ bhikkhave samaye devesu devasaddo niccharati: “eso ariyasāvako Mārena saddhaṃ saṅgāmetī”-ti. Ayaṃ bhikkhave dutiyo devesu devasaddo niccharati samayā samayaṃ upādāya.

Puna ca paraṃ bhikkhave yasmiṃ samaye ariyasāvako āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññāya ³⁷ sacchikatvā apasampajja viharati. Tasmiṃ bhikkhave samaye devesu devasaddo niccharati: “eso ariyasāvako vijitasaṅgāmo tam-eva saṅgāmasīsaṃ abhivijiya ajjhāvasatī”-ti. Ayaṃ bhikkhave tatiyo devesu devasaddo niccharati samayā samayaṃ upādāya.

Ime kho bhikkhave tayo devesu devasaddā niccharanti samayā samayaṃ upādāyā”-ti.

[PTS Page 076] [\q 76/]

3. 4. 4. Pubbanimittasuttaṃ (83)

“Yadā bhikkhave devo devakāyā cavanadhammo hoti, pañcassa pubbanimittāni pātubhavanti: mālā milāyanti, vatthāni kilissanti, kacchehi sedā muccanti, kāye dubbaṇṇiyaṃ okkamati, sake devo devāsane nābhiramatī”-ti.

[BJT Page 422] [\x 422/]

Tam-enaṃ bhikkhave devā cavanadhammo ayaṃ devaputto ti iti viditvā tīhi vācāhi anumodanti: “ito bho sugatiṃ gaccha, sugatiṃ [PTS Page 077] [\q 77/] gantvā suladdhalābhaṃ labha, suladdhalābhaṃ labhitvā suppatiṭṭhito bhavāhī”-ti.

Evaṃ vutte aññataro bhikkhu Bhagavantaṃ etad-avoca: “kin-nu kho bhante devānaṃ sugatigamanasaṅkhātaṃ, kiñ-ca bhante devānaṃ suladdhalābhasaṅkhātaṃ, kim-pana bhante devānaṃ suppatiṭṭhitasaṅkhātan”-ti?

“Manussattaṃ kho bhikkhu devānaṃ sugatigamanasaṅkhātaṃ. Yaṃ manussabhūto samāno Tathāgatappavedite dhammavinaye saddhaṃ paṭilabhati, idaṃ kho pana bhikkhave devānaṃ suladdhalābhasaṅkhātaṃ. Sā kho panassa saddhā niviṭṭhā hoti mūlajātā patiṭṭhitā daḷhā asaṃhāriyā samaṇena vā brāhmaṇena vā devena vā Mārena vā brahmunā vā kenaci vā lokasmiṃ. Idaṃ kho bhikkhave devānaṃ suppatiṭṭhitasaṅkhātan”-ti.

[PTS Page 078] [\q 78/]

[BJT Page 424] [\x 424/]

3. 4. 5. Bahujanahitasuttaṃ (84)

“Tayome bhikkhave ⁴¹ puggalā loke uppajjamānā uppajjanti bahujanahitāya bahujanasukhāya lokānukampāya atthāya hitāya sukhāya devamanussānaṃ. Katame tayo?

Idha bhikkhave Tathāgato loke uppajjati Arahaṃ Sammāsambuddho vijjācaraṇasampanno Sugato lokavidū [PTS Page 079] [\q 79/] anuttaro purisadammasārathi satthā devamanussānaṃ Buddho Bhagavā. So dhammaṃ deseti ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ kevalaparipuṇṇaṃ parisuddhaṃ brahmacariyaṃ pakāseti. Ayaṃ bhikkhave paṭhamo puggalo loke uppajjamāno uppajjati bahujanahitāya bahujanasukhāya lokānukampāya atthāya hitāya sukhāya devamanussānaṃ.

Puna ca paraṃ bhikkhave tasseva satthusāvako Arahaṃ hoti khīṇāsavo vusitavā katakaraṇiyo ohitabhāro anuppattasadattho parikkhīṇabhavasaññojano ⁴² sammad-aññā vumutto. So dhammaṃ deseti ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ kevalaparipuṇṇaṃ parisuddhaṃ brahmacariyaṃ pakāseti. Ayaṃ bhikkhave dutiyo puggalo loke uppajjamāno uppajjati bahujanahitāya bahujanasukhāya lokānukampāya atthāya hitāya sukhāya devamanussānaṃ.

Puna ca paraṃ bhikkhave tasseva satthusāvako sekho hoti pāṭipado bahussuto sīlavatupapanno. So pi dhammaṃ deseti ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ kevalaparipuṇṇaṃ parisuddhaṃ brahmacariyaṃ pakāseti. Ayaṃ bhikkhave tatiyo puggalo loke uppajjamāno uppajjati bahujanahitāya bahujanasukhāya lokānukampāya atthāya hitāya sukhāya devamanussānan”-ti.

[BJT Page 426] [\x 426/]

3. 4. 6. Asubhānupassīsuttaṃ (85)

“Asubhānupassī bhikkhave kāyasmiṃ viharatha; ānāpānasati ca vo ajjhattaṃ parimukhaṃ sūpaṭṭhitā hotu; sabbasaṅkhāresu aniccānupassino viharatha. Asubhānupassīnaṃ bhikkhave kāyasmiṃ viharataṃ yo subhāya dhātuyā rāgānusayo so pahīyati; ānāpānasatiyā ajjhattaṃ parimukhaṃ sūpaṭṭhitāya ye [PTS Page 081] [\q 81/] bāhirā vitakkāsayā vighātapakkhikā te na honti; sabbasaṅkhāresu aniccānupassīnaṃ viharataṃ yā avijjā sā pahīyati yā vijjā sā uppajjatī”-ti.

[BJT Page 428] [\x 428/]

3. 4. 7. Dhammānudhammapaṭipannasuttaṃ (86)

“Dhammānudhammapaṭipannassa bhikkhuno ayam-anudhammo hoti veyyākaraṇāya dhammānudhammapaṭipanno yan-ti, bhāsamāno dhammañ-ñeva bhāsati no adhammaṃ, vitakkayamāno vā dhammavitakkañ-ñeva vitakketi no adhammavitakkaṃ. Tad-ubhayaṃ abhinivajjetvā upekkhako viharati sato sampajāno” ti.

[PTS Page 082] [\q 82/]

[BJT Page 430] [\x 430/]

3. 4. 8. Andhakaraṇasuttaṃ (87)

“Tayome bhikkhave akusalavitakkā andhakaraṇā acakkhukaraṇā aññāṇakaraṇā paññānirodhikā vighātapakkhikā anibbānasaṃvattanikā. Katame tayo?

Kāmavitakko bhikkhave andhakaraṇo acakkhukaraṇo aññāṇakaraṇo paññānirodhiko vighātapakkhiko anibbānasaṃvattaniko; vyāpādavitakko bhikkhave andhakaraṇo acakkhukaraṇo aññāṇakaraṇo paññānirodhiko vighātapakkhako anibbānasaṃvattaniko; vihiṃsāvitakko bhikkhave andhakaraṇo acakkhukaraṇo aññāṇakaraṇo paññānirodhiko vighātapakkhiko anibbānasaṃvattaniko.

Ime kho bhikkhave tayo akusalavitakkā andhakaraṇā acakkhukaraṇā aññāṇakaraṇā paññānirodhikā vighātapakkhikā anibbānasaṃvattanikā.

Tayome bhikkhave kusalavitakkā anandhakaraṇā cakkhukaraṇā ñāṇakaraṇā paññāvuddhikā avighātapakkhikā nibbānasaṃvattanikā. Katame tayo?

Nekkhammavitakko bhikkhave anandhakaraṇo cakkhukaraṇo ñāṇakaraṇo paññāvuddhiko avighātapakkhiko nibbānasaṃvattaniko; avyāpādavitakko bhikkhave anandhakaraṇo cakkhukaraṇo ñāṇakaraṇo paññāvuddhiko avighātapakkhiko nibbānasaṃvattaniko; avihiṃsāvitakko bhikkhave anandhakaraṇo cakkhukaraṇo ñāṇakaraṇo paññāvuddhiko avighātapakkhiko nibbānasaṃvattaniko.

[BJT Page 432] [\x 432/]

3. 4. 9. Antarāmalasuttaṃ (88)

“Tayome bhikkhave antarāmalā antarā-amittā antarāsapattā antarāvadhakā antarāpaccatthikā. Katame tayo? Lobho bhikkhave antarāmalo antarā-amitto antarāsapatto antarāvadhako antarāpaccatthiko; doso bhikkhave antarāmalo antarā-amitto antarāsapatto antarāvadhako antarāpaccatthiko; moho bhikkhave antarāmalo antarā-amitto antarāsapatto antarāvadhako antarāpaccatthiko. Ime kho bhikkhave tayo antarāmalā antarā-amittā antarāsapattā antarāvadhakā antarāpaccatthikā” ti.

[PTS Page 084] [\q 84/]

[BJT Page 434] [\x 434/]

[PTS Page 085] [\q 85/]

3. 4. 10. Devadattasuttaṃ (89)

“Tīhi bhikkhave asaddhammehi abhibhūto pariyādinnacitto Devadatto āpāyiko nerayiko kappaṭṭho atekiccho. Katamehi tīhi?

[BJT Page 436] [\x 436/]

Pāpicchāya bhikkhave abhibhūto pariyādinnacitto Devadatto āpāyiko nerayiko kappaṭṭho atekiccho; pāpamittatāya bhikkhave abhibhūto pariyādinnacitto Devadatto āpāyiko nerayiko kappaṭṭho atekiccho; sati ko pana uttarikaraṇīye oramattakena visesādhigamena antarā vosānaṃ āpādī-ti.

Imehi kho bhikkhave tīhi asaddhammehi abhibhūto pariyādinnacitto Devadatto āpāyiko nerayiko kappaṭṭho atekiccho” ti.

[PTS Page 086] [\q 86/]

Catuttho vaggo

[BJT Page 438] [\x 438/]

Pañcamo vaggo

3. 5. 1. Aggappasādasuttaṃ (90)

“Tayome bhikkhave aggappasādā. Katame tayo?

Yāvatā bhikkhave sattā apadā vā dipadā vā catuppadā vā bahuppadā vā rūpino vā arūpino vā saññino vā asaññino vā nevasaññināsaññino vā, Tathāgato tesaṃ aggam-akkhāyati yadidaṃ Arahaṃ Sammāsambuddho. [PTS Page 088] [\q 88/] Ye bhikkhave Buddhe pasannā agge te pasannā, agge kho pana pasannānaṃ aggo vipāko hoti.

Yāvatā bhikkhave dhammā saṅkhatā vā asaṅkhatā vā virāgo tesaṃ aggam-akkhāyati yadidaṃ madanimmadano pipāsavinayo ālayasamugghāto vaṭṭupacchedo taṇhakkhayo virāgo nirodho nibbānaṃ. ⁵¹ Ye bhikkhave virāge dhamme pasannā agge te pasannā, agge kho pana pasannānaṃ aggo vipāko hoti.

Yāvatā bhikkhave saṅghā vā gaṇā va Tathāgatasāvakasaṅgho tesaṃ aggam-akkhāyati yadidaṃ cattāri purisayugāni aṭṭhapurisapuggalā, esa Bhagavato sāvakasaṅgho āhuneyyo pāhuneyyo dakkhiṇeyyo añjalikaraṇīyo anuttaraṃ puññakkhettaṃ lokassa. Ye bhikkhave saṅghe pasannā agge te pasannā agge kho pana pasannānaṃ aggo vipāko hoti.

Ime kho bhikkhave tayo aggappasādā” ti.

[BJT Page 440] [\x 440/]

[PTS Page 089] [\q 89/]

3. 5. 2. Jīvikāsuttaṃ (91)

“Antam-idaṃ bhikkhave jīvikānaṃ yadidaṃ piṇḍolyaṃ, abhisāpoyaṃ bhikkhave lokasmiṃ piṇḍolo vicarasi pattapāṇī-ti. Tañ-ca kho etaṃ bhikkhave kulaputtā upenti attavasikā attavasaṃ paṭicca, neva rājābhinītā na corābhinītā na iṇaṭṭhā na bhayaṭṭhā na ājīvikapakatā. Api ca kho otiṇṇamhā jātiyā jarāya maraṇena sokehi paridevehi dukkhehi domanassehi upāyāsehi dukkhābhikiṇṇā dukkhaparetā appeva nāma imassa kevalassa dukkhakkhandhassa antakiriyā paññāyethā-ti.

Evaṃ pabbajito cāyaṃ bhikkhave kulaputto [PTS Page 090] [\q 90/] hoti abhijjhālū kāmesu tibbasārāgo byāpannacitto paduṭṭhamanasaṅkappo muṭṭhassati asampajāno asamāhito vibbhantacitto pākatindriyo. Seyyathāpi bhikkhave chavālātaṃ ubhato padittaṃ majjhe gūthagataṃ neva gāme kaṭṭhatthaṃ pharati na araññe, tathūpamāhaṃ bhikkhave imaṃ puggalaṃ vadāmi gihībhogā ca parihīno sāmaññatthañ-ca na paripūretī”-ti.

[BJT Page 442] [\x 442/]

3. 5. 3. Saṅghāṭikaṇṇasuttaṃ (92)

“Saṅghāṭikaṇṇe ce pi bhikkhave [PTS Page 091] [\q 91/] bhikkhu gahetvā piṭṭhito piṭṭhito anubaddho assa, pāde pādaṃ nikkhipanto, so ca hoti abhijjhālū kāmesu tibbasārāgo byāpannacitto paduṭṭhamanasaṃkappo muṭṭhassati asampajāno asamāhito vibbhantacitto pākatindriyo atha kho so ārakā va mayhaṃ, ahaṃ ca tassa. Taṃ kissa hetu? Dhammaṃ hi so bhikkhave bhikkhu na passati dhammaṃ apassanto na maṃ passati.

Yojanasate ce pi so bhikkhave bhikkhu vihareyya so ca hoti anabhijjhālū kāmesu na tibbasārāgo abyāpannacitto appaduṭṭhamanasaṃkappo upaṭṭhitasati sampajāno samāhito ekaggacitto saṃvutindriyo, atha kho so santike va mayhaṃ, ahaṃ ca tassa. Taṃ kissa hetu? Dhammaṃ hi so bhikkhave bhikkhu passati dhammaṃ passanto maṃ passatī”-ti.

[BJT Page 444] [\x 444/]

[PTS Page 092] [\q 92/]

3. 5. 4. Aggisuttaṃ (93)

“Tayome bhikkhave aggī. Katame tayo? Rāgaggi dosaggi mohaggi. Ime kho bhikkhave tayo aggī” ti.

[PTS Page 093] [\q 93/]

3. 5. 5. Upaparikkhasuttaṃ (94)

“Tathā tathā bhikkhave bhikkhu upaparikkheyya [PTS Page 094] [\q 94/] yathā yathāssa upaparikkhato bahiddhā cassa vīññāṇaṃ avikkhittaṃ hoti visaṭaṃ, ajjhattaṃ asaṇṭhitaṃ anupādāya na paritasseyya, bahiddhā cassa bhikkhave viññāṇe avikkhitte avisaṭe sati ajjhattaṃ asaṇṭhite anupādāya aparitassato āyatiṃ jātijarāmaraṇadukkhasamudayasambhavo na hotī”-ti.

3. 5. 6. Kāmūpapattisuttaṃ (95)

“Tisso imā bhikkhave kāmuppattiyo. Katamā tisso? Paccupaṭṭhitakāmā, nimmānaratino, paranimmitavasavattino. Imā kho bhikkhave tisso kāmuppattiyo” ti.

[BJT Page 448] [\x 448/]

[PTS Page 095] [\q 95/]

3. 5. 7. Kāmayogasuttaṃ (96)

“Kāmayogayutto bhikkhave bhavayogayutto āgāmī hoti āgantā itthattaṃ. Kāmayogavisaññutto bhikkhave bhavayogayutto anāgāmī hoti anāgantā itthattaṃ. Kāmayogavisaññutto bhikkhave bhavayogavisaññutto Arahaṃ hoti khīṇāsavo” ti.

[PTS Page 096] [\q 96/]

Tatiyabhāṇavāraṃ ⁵⁶

[BJT Page 450] [\x 450/]

3. 5. 8. Kalyāṇasīlasuttaṃ (97)

“Kalyāṇasīlo bhikkhave bhikkhu kalyāṇadhammo kalyāṇapañño imasmiṃ dhammavinaye kevalī vusitavā uttamapuriso ti vuccati.

Kathañ-ca bhikkhave bhikkhu kalyāṇasīlo hoti? Idha bhikkhave bhikkhu sīlavā hoti pātimokkhasaṃvarasaṃvuto viharati, ācāragocarasampanno anumattesu vajjesu bhayadassāvī samādāya sikkhati sikkhāpadesu. Evaṃ kho bhikkhave bhikkhu kalyāṇasīlo hoti: iti kalyāṇasīlo.

Kalyāṇadhammo ca kathaṃ hoti? Idha bhikkhave bhikkhu sattannaṃ bodhipakkhiyānaṃ dhammānaṃ bhāvanānuyogam-anuyutto viharati. Evaṃ kho bhikkhave bhikkhu kalyāṇadhammo hoti: iti kalyāṇasīlo kalyāṇadhammo.

Kalyāṇapañño ca kathaṃ hoti? [PTS Page 097] [\q 97/] Idha bhikkhave bhikkhu āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharati. Evaṃ kho bhikkhave bhikkhu kalyāṇapañño hoti: iti kalyāṇasīlo kalyāṇadhammo kalyāṇapañño imasmiṃ dhammavinaye kevalī vusitavā uttamapuriso ti vuccatī”-ti.

[BJT Page 452] [\x 452/]

3. 5. 9. Dānasuttaṃ (98)

“Dvemāni bhikkhave dānāni āmisadānañ-ca dhammadānañ-ca, etad-aggaṃ bhikkhave imesaṃ dvinnaṃ dānānaṃ yadidaṃ dhammadānaṃ. Dveme bhikkhave saṃvibhāgā āmisasaṃvibhāgo ca dhammasaṃvibhāgo ca, etad-aggaṃ bhikkhave imesaṃ dvinnaṃ saṃvibhāgānaṃ yadidaṃ dhammasaṃvibhāgo. Dveme bhikkhave anuggahā āmisānuggaho ca dhammānuggaho ca, etad-aggaṃ bhikkhave imesaṃ dvinnaṃ anuggahānaṃ yadidaṃ dhammānuggaho” ti.

[BJT Page 454] [\x 454/]

3. 5. 10. Tevijjasuttaṃ (99)

“Dhammenāhaṃ bhikkhave tevijjaṃ brāhmaṇaṃ paññāpemi nāññaṃ lapitalāpanamattena. Kathañ-ca bhikkhave dhammena tevijjaṃ brāhmaṇaṃ paññāpemi nāññaṃ lapitalāpanamattena?

Idha bhikkhave bhikkhu anekavihitaṃ pubbenivāsaṃ anussarati, seyyathīdaṃ: [PTS Page 099] [\q 99/] ekam-pi jātiṃ, dve pi jātiyo, tisso pi jātiyo, catasso pi jātiyo, pañca pi jātiyo, dasa pi jātiyo, vīsam-pi jātiyo, tiṃsam-pi jātiyo, cattāḷīsam-pi jātiyo, paññāsam-pi jātiyo, jātisatam-pi, jātisahassam-pi, jātisatasahassam-pi, aneke pi saṃvaṭṭakappe, aneke pi vivaṭṭakappe, aneke pi saṃvaṭṭavivaṭṭakappe, amutrāsaṃ evaṃnāmo evaṃgotto evaṃvaṇṇo evam-āhāro evaṃsukhadukkhapaṭisaṃvedī evam-āyupariyanto. So tato cuto amutra upapādiṃ. ⁵⁷ Tatrāpāsiṃ evaṃnāmo evaṃgotto evaṃvaṇṇo evam-āhāro evaṃsukhadukkhapaṭisaṃvedī evam-āyupariyanto. So tato cuto idhūpapanno ti. Iti sākāraṃ sa-uddesaṃ anekavihitaṃ pubbenivāsaṃ anussarati. Ayam-assa paṭhamā vijjā adhigatā hoti, avijjā vihatā, vijjā uppannā, tamo vihato, āloko uppanno, yathā taṃ appamattassa ātāpino pahitattassa viharato.

Puna ca paraṃ bhikkhave bhikkhu dibbena cakkhunā visuddhena atikkantamānusakena satte passati cavamāne upapajjamāne hīne paṇīte suvaṇṇe dubbaṇṇe sugate duggate yathākammūpage satte pajānāti: ime vata bhonto sattā kāyaduccaritena samannāgatā, vacīduccaritena samannāgatā, manoduccaritena samannāgatā, ariyānaṃ upavādakā micchādiṭṭhikā micchādiṭṭhikammasamādānā, te kāyassa bhedā param-maraṇā apāyaṃ duggatiṃ vinipātaṃ nirayaṃ upapannā. Ime vā pana bhonto sattā kāyasucaritena samannāgatā, vacīsucaritena samannāgatā, manosucaritena [PTS Page 100] [\q 100/] samannāgatā, ariyānaṃ anupavādakā, sammādiṭṭhikā sammādiṭṭhikammasamādānā, te kāyassa bhedā param-maraṇā sugatiṃ saggaṃ lokaṃ upapannā ti. Iti dibbena cakkhunā visuddhena atikkantamānusakena satte passati cavamāne upapajjamāne hīne paṇīte suvaṇṇe dubbaṇṇe sugate duggate yathākammūpage satte pajānāti. Ayam-assa dutiyā vijjā adhigatā hoti, avijjā vihatā, vijjā uppannā, tamo vihato, āloko uppanno, yathā taṃ appamattassa ātāpino pahitattassa viharato.

[BJT Page 456] [\x 456/]

Puna ca paraṃ bhikkhave bhikkhu āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharati. Ayam-assa tatiyā vijjā adhigatā hoti, avijjā vihatā, vijjā uppannā, tamo vihato, āloko uppanno, yathā taṃ appamattassa ātāpino pahitattassa viharato.

Evaṃ kho ahaṃ bhikkhave dhammena tevijjaṃ brāhmaṇaṃ paññāpemi nāññaṃ lapitalāpanamattenā”-ti.

[PTS Page 101] [\q 101/]

Itivuttaka Home Page    Table of Contents     First Sutta     Translation

Ekakanipāto     Dukanipāto    Tikanipāto    Catukkanipāto

Sutta Index (serial order)     Sutta Index (alphabetical order)

First Line Index    Index of the Metres

Word Index (by sutta number)     Word Index (by BJT page number)

1 Editor's note: BJT has samphalaṃ and omits ti, presumable by mistake.

2 BJT Note: Phusayitvā - ChS, phussayitvā-Thai; Editor's note: BJT actually prints phassayitvā here, but in 73 below prints phusayitvā, without listing any variants. Changed here for consistency.

3 BJT Note: Vivattayi - ChS

4 BJT Note: Sammadaso - Palm leaf book, Printed book; Saccaddaso - Seen somewhere

5 BJT Note: Vimuttiyā - Palm leaf book, Printed book.

6 BJT Note: Savāhataṃ - In some books.

7 Editor's note: This line is missing in BJT - a printer's error.

8 BJT Note: Nittaṇhā ca - Palm leaf book, Printed book.

9 BJT Note: Abyāpajjaṃ - ChS.

10 Metre: Note that we have 2 successive shorts in 2nd & 3rd positions in this half of the pādayuga, something that is normally avoided; we might have expected to find a reading santīpadaṃ to correct the metre.

11 BJT Note: So upapajjati - Palm leaf book, Printed book - the footnote reference is missing in BJT, but this is where it must belong.

12 Metre: In the first part of the pādayuga we have two successive shorts again, which is normally avoided. The variation is the 6th, which is very rare. PTS has the same reading, but ChS reads vacīsuciṃ, which gives the Anuṭṭhubha variation.

13 BJT Note: (Kāya)suci - Palm leaf book, Printed book.

14 Metre: As in the previous sutta in the first part of the pādayuga we have two successive shorts, which is normally avoided. The variation is the 6th, which is very rare. PTS has the same reading, but ChS reads vacīmuniṃ.

15 BJT Note: (Kāya)muni - Palm leaf book, Printed book.

16 BJT Note: Bandho - Palm leaf book, Printed book.

17 BJT Note: Abandho - Palm leaf book, Printed book.

18 BJT prints atarī here, but atari above.

19 BJT indrīyāni, printer's error.

20 BJT Note: Micchāvācaṃ abhāsiya - Palm leaf book, Printed book.

21 BJT Note: Sammāvācaṃ abhāsiya - Palm leaf book, Printed book.

22 Metre: Notice that i in ātāpi is m.c.

23 BJT Note: Arūpaṭhāyino - ChS.

24 Editor's note: BJT reads Vuṭṭhīsuttaṃ.

25 Editor's note: BJT reads Pūggalo.

26 Metre: This line, even with counting resolution at the 1st, still doesn't scan properly. Another possible way of construing the pādayuga would be to take the 3rd na as part of the first half of the line, and count Na samaṇe as giving resolution at the first (we would then have vip 4 in this line). We could then count kapaṇa- as also giving resolution at the 1st in the second half of the pādayuga - this would satisfy the metre, but the normal syntax of the verses is against it.

27 Metre: Again it is not possible to scan this line correctly

28 Metre: Notice the rather remarkable resolutions in this line and the next, which give the 3rd vipulā in each case.

29 BJT Note: Bhindanaṃ - in some books; bhindantaṃ - Palm leaf book, Commentary, Printed book.

30 BJT Note: Virāgunaṃ - Palm leaf book, Commentary, Printed book; Virāgikaṃ - In some palm leaf books; Pabhaṅgunaṃ - Thai.

31 BJT Note: Majjhago - Palm leaf book, Commentary, Printed book; Magājjha-Palm leaf book, Commentary.

32 Metre: Notice the most remarkable cadence in this line.

33 Editor's note: BJT - Kalyāṇādimūttikā here, printer's error.

34 Editor's note: BJT prints samissanti 3 times in this paragraph; in the øuddhi Patraya the first instance (only) is corrected to samessanti.

35 Metre: Note that in the 4th pādayuga of these verses we have the reading -virīyaṃ, where an expected sarabhatti vowel is written as a long vowel to suit the metre; in the last pādayuga though the same vowel in the same word really is sarabhatti: -virⁱyehi.

36 Editor's note: BJT omits the quotation marker, presumably by mistake; it is found in PTS & ChS..

37 Editor's note: BJT prints abhiññāya, PTS & ChS abhiññā.

38 BJT Note: Ajjagū (incorrectly written as Majjagū in BJT) - Palm leaf book; Ajjagu - Palm leaf book, Printed book, Commentary - there is a confusion in the notes in BJT here: 2 notes are given at the bottom of the page, but only one reference in the text.

39 Metre: Note that 2 successive shorts in 2nd & 3rd positions are normally avoided.

40 BJT Note: Nivesaye - Palm leaf book.

41 BJT Note: Bhikkhave is not seen in some books.

42 Editor's note: BJT prints parikkhīṇabhavasaṃyojano, against its normal practice.

43 Metre: Notice that i in ātāpi is m.c.

44 Metre: Note that the 4th syllable is unexpectedly short in the opening. There are no variant readings recorded in BJT, PTS, or ChS.

45 Note that we have 9 verses here one after the other without a single variation, which is very unusual in the Canonical period, though in the Medieval period it became quite common to compose Vatta in the pathyā form only (e. g. Jinacarita opens with 41 pathyā verses).

46 BJT Note: Pamādamanuviṇṇo - Palm leaf book, Printed book.

47 BJT Note: Tasmā - Palm leaf book, Printed book.

48 Editor's note: BJT prints addhī by mistake.

49 Metre: This is not a recognised variation, but it resembles the third vipulā, with a short syllable in 2nd rather than 3rd position.

50 Editor's note: BJT reads asubha and prints the word incorrectly at the beginning of the next line (we should probably read cavamāna lokesubhaṃ m.c.).

51 Editor's note: BJT prints nibbāṇaṃ. BJT wavers in its spelling of this word and forms derived from it. Sometimes we find nibban- and at other times nibbāṇ-; in this edition the spelling has been regularized as nibban-.

52 Editor's note: BJT reads va here, a printer's error.

53 Metre: This is a remarkable verse with no fewer than 3 pairs of resolved syllables; in the first half of the second pādayuga we have to understand that there has been resolution twice to produce the 3rd vipulā. Resolution occurs again in the next verse also.

53a Editor's note: BJT prints ayoguḷo here, but ayogulo in 48 above, changed for consistency.

54 Metre: The second half of this pādayuga has 2 successive shorts in 2nd & 3rd positions going against the normal prosody of the texts.

55 BJT Note: Jinnasaṃsārā - Palm leaf book, Printed book.

56 Editor's note: The 1st recital ends after Sutta No 40 above, and the 3rd one here, but I have been unable to trace where the 2nd recital ends, for some reason it is not printed in BJT, PTS, or ChS. Nor is the end of the 4th recital recorded at the end of the book.

57 BJT Note: Udapādiṃ - Seen somewhere.